Eolas Fúinn

Inniu (23^ú Meán Fómhair, 2008), sheol FÁS a cheathrú Clár Intéirneachta um Dhúshlán Eolaíochta go hoifigiúil, a thugann deiseanna taighde uathúla do 42 céimí, iarchéimí agus printíseach i réimse na hInnealtóireachta agus na hEolaíochta Feidhmí, ag searmanas speisialta i dTeach an Ard-Mhéara, Baile Átha Cliath. Is í aidhm an tionscnaimh ná réimse scileanna na ndaoine seo a fheabhsú, naisc a neartú le hinstitiúidí sa rangú domhanda, an bonn taighde in Éirinn an leathnú agus oiliúint a chur ar cheannairí tionscail na todhchaí.

Tabharfaidh daichead a dó duine faoi chlár intéirneachta 6 mhí, ina mbeidh deis acu dul i mbun tionscadail taighde a bhaineann lena ndisciplíní ag institiúidí agus eagraíochtaí taighde sna Stáit Aontaithe agus sa tSualainn.  I measc na saineolaithe agus na meantóirí a bheidh ag obair leis na rannpháirtithe beidh Nobel Laureate, an tOllamh Ferid Murad, buaiteoir Duais Nobel (Fiseolaíocht agus Leigheas, 1998), agus an Dr Bert O’Malley, Ollamh agus Cathaoirleach na Roinne Bitheolaíochta Móilíní agus Ceallaí ag Baylor College of Medicine, Houston, Texas. 

Ag labhairt dó ag an seoladh, rinne Rody Molloy, Stiúrthóir Ginearálta FÁS, tagairt don infheistíocht tháirgiúil i gcláir taighde agus forbartha, chomh maith le breisoiliúint atá riachtanach lena chinntiú go bhfuil sé de chumas ag fórsa saothair na hÉireann caipitliú ar dheiseanna margaidh shaothair.   "Tá an tionscnamh seo fíor-thábhachtach chun riachtanais an mhargaidh shaothair a réamh-mheas i dtreo is go gcinnteofar d'fhostóirí i réimse na heolaíochta, na hinnealtóireachta agus na teicneolaíochta go mbeidh siad ag plé le fórsa saothair atá oilte do chaighdeáin de scoth domhanda, agus go bhfuil taithí idirnáisiúnta acu chomh maith." a dúirt sé. 

Agus comhghairdeas á ghabháil leis na hintéirnigh ar a n-imeacht, dúirt an Dr O' Malley "tá comhoibriú leanúnach riachtanach chun an chéad ghlúin eile de cheannairí eolaíochta Éireannacha agus Dúshlán Eolaíochta FÁS a chothú mar chlár físeach, agus chun mic léinn agus ceardaithe a spreagadh le cur lena gcuid staidéir i mbealach uathúil agus corraitheach."  Gheobhaidh an Dr O'Malley an Bonn Náisiúnta Eolaíochta ar 29ú Meán Fómhair ó Uachtarán Bush ag searmanas sa Teach Bán (Teach an Uachtaráin). Is é an onóir is mó d'eolaithe sna Stáit Aontaithe a thugann aitheantas do thaighde eolaíochta ceannródaíoch i raon de réimsí, lena n-áirítear eolaíochtaí bitheolaíocha, fisiceacha, matamaiticiúla, sóisialta, iompair agus innealtóireachta.  Beidh duine den ochtar ceannairí san eolaíocht a fuair an Bonn Náisiúnta Eolaíochta 2007, an Dr O' Malley mar an ceathrú duine i Texas chun an dámhachtain a fháil sna heolaíochtaí bitheolaíocha; fuair an triúir eile an Duais Nobel. 

Deireadh

Le haghaidh tuilleadh faisnéise/agallaimh meáin téigh i dteagmháil le:

Gráinne Timlin / Fiona Murphy, FÁS

Teil. (087) 682 5908 / (087) 263 9149

Nótaí d'Eagarthóirí:

Nóta 1:

Tá Tionscnamh Dúshlán Eolaíochta FÁS déanta suas den chúig phríomhchlár seo a leanas:

An Clár Intéirneachta

Clár breisoiliúna sé mhí le hinstitiúidí oideachais, áiseanna taighde agus an tionscal sna Stáit Aontaithe agus sa tSualainn.  Tabharfaidh daichead a dó intéirneach faoi chlár 2008/2009 go luath agus tá printísigh, sealbhóirí príomhchéime agus sealbhóirí PhD san áireamh ar an bhfoireann.

Clár Breisoiliúna d'iarphrintísigh cáilithe FÁS, atá ag obair le 2-3 bliain agus atá ainmnithe ag a bhfostóir. 

Cabhraíonn Sparánachtaí Iarchéime le mic léinn mar chuid dá nOiliúint Céime in Ollscoileanna i Meiriceá, sa tSín agus sa tSeapáin.

Clár Oiliúna Taighde 

Soláthraíonn sé deiseanna do mhic léinn na 3^ú bliana sa tríú leibhéal freastal ar oiliúint taighde sna hEolaíochtaí Bithleighis, chun scileanna breise a thabhairt dóibh agus chun iad a nochtadh le dul ar aghaidh chun PhD a dhéanamh i ndiaidh dóibh a bpríomhchéim a chomhlíonadh.

Tugann Scoláireachtaí Náisiúnta maoiniú d'obair taighde scoláireachta iarchéime in institiúidí de scoth domhanda le béim tosaigh ar ollscoileanna sna Stáit Aontaithe.  San áireamh leo tá Harvard Medical School, Baylor College of Medicine, University of Texas Medical Centre, Richard Smalley Institute for Nanoscale Science and Technology ag Rice University, Duke University, MIT, NASA srl.