Tá sé d'aidhm ag an Scéim Deontais do Choinneáil Fostaithe cuidiú le fostóirí fostaiteh a choinneáil a fhaigheann tinneas, riocht nó máchail a chuireann isteach ar a gcumas a gcuid oibre a dhéanamh. Cuidíonn sé le cumas leanúnach na bhfostaithe a fhiosrú maidir le feidhmiú mar chomhaltaí tairgiúla den lucht saothair.
Cuidíonn an scéim seo le cumas fostaíochta an fhostaithe a chothabháil nuair a thagann tinneas, riocht nó máchail (gairme nó eile) air/uirthi trí mhaoiniú a thabhairt chun:
- Cóiríocht agus/nó oiliúint a aithint a chuideoidh leis an bhfostaí fanacht sa phost atá aige/aici faoi láthair; nó
- An fostaí a athoiliúint sa chaoi is gur féidir leis/léi post eile a ghlacadh sa chomhlacht.
Tá dhá chéim sa scéim bunaithe ar straitéis coinneála a fhorbairt agus a chur i bhfeidhm.
Struchtúr na Scéime
Céim 1 a chuidíonn le fostóirí trí cheadú dóibh sainscileanna agus saineolas seachtrach a cheannach isteach chun 'scéim coinneála' ar leith a fhorbairt d'fhostaí a dtagann tinneas orthu.
Céim 2 a thugann maoiniú don fhostóir chun an straitéis scríofa a chur i bhfeidhm, lena n-áirítear athoiliúint, cóitseáil poist agus/nó comhordaitheoir seachtrach a fhostú chun an forfheidhmiú a mhaoirsiú agus a bhainistiú.
Incháilitheacht
Tá an Scéim Deontais do Choinneáil Fostaithe ar oscailt dos na comhlachtaí uilig san earnáil phríobháideach. Tá maoiniú ar fáil chun tacú le fostaí ar bith atá ann cheana a choinneáil, ag gach leibhéal agus gairm laistigh den chomhlacht, a fhaigheann tinneas, riocht nó máchail a chuireann isteach ar a gcumas faoi láthair a gcuid oibre a dhéanamh.
Maoiniú & Iarratas
Céim 1 – An Straitéis Coinneála a Fhorbairt
Tá maoiniú 90% de chostais cláir incháilithe ar fáil do chomhlachtaí suas go €2,500 chun straitéis coinneála a fhorbairt d'aon fhostaí amháin. Íoslódáil Foirm Chéim I.
Céim 2 – An Straitéis Coinneála a Chur i bhFeidhm
Tá maoiniú 90% de chostais cláir incháilithe ar fáil do chomhlachtaí suas go €12,500 chun straitéis coinneála a chur i bhfeidhm d'aon fhostaí amháin. Tá maoiniú do phearsanra speisialta teoranta do líon uaireanta socraithe agus ní féidir iarratas a dhéanamh gan é a bheith tacaithe ag straitéis coinneála ar leith (déan tagairt do Chéim 1).
Teagmháil le FÁS
Más rud é gur tháining tinneas nó máchail ort le déanaí, nó más fostóir thú le fostaí ar tháinig tinneas nó máchail air/uirthi, agus má tá tuilleadh eolais de dhíth ort maidir leis an Scéim Deontais do Choinneáil Fostaithe nó scéimeanna eile, déan teagmháil le d'Oifig FÁS áitiúil.
